Cyfrifydd Siartredig ac Ymgynghorydd Treth Siartredig

3
Gruffydd Ceidiog Hughes by the River Ceidiog in Llandrillio. Picture Mandy Jones

Amdanom ni

Rydym yn gwmni cenhedlaeth nesaf medrus o Gyfrifwyr Siartredig ac Ymghynghorwyr Treth Siartredig. Rydym yn cynnig ystod lawn o wasanaethau i gefnogi ein cleientiaid er mwyn iddynt sicrhau llwyddiant wrth gyflawni eu nodau ariannol busnes a phersonol.

Ein nod yw darparu cyngor rhagweithiol, parhaus sy’n eich galluogi i fanteisio ar gyfleoedd sy’n benodol i’ch amgylchiadau.

Rydym hefyd yn dileu’r straen ac ysgafnhau’r baich o lenwi ffurflenni i sicrhau cydymffurfiaeth â Thŷ’r Cwmnïau a Chyllid a Thollau Ei Fawrhydi sy’n caniatáu i chi ganolbwyntio ar y pethau sy’n bwysig i chi.

Mae croeso i chi gysylltu â ni: [email protected]

Canmoliaeth

Argymhellwyd y dylwn i siarad efo Gruffydd pan wnes i ddechrau fy nghwmni yn ystod yr Argyfwng Covid, a fedra i ddim ei ganmol ddigon o ran y gefnogaeth a’r cyngor a roddodd i mi. Rhoddodd Gruffydd lawer mwy o gefnogaeth i mi nag yr oeddwn yn ei ddisgwyl ac mae wedi dod yn rhan amhrisiadwy o’m busnes. Fedra i ddim diolch ddigon iddo ac rwy’n ei argymell yn fawr. Mae hefyd yn llawer o hwyl i weithio efo fo ac mae ganddo synnwyr digrifwch chwareus.

Paul Owen, Rheolwr Gyfarwyddwr, Gray Oak Logistics Ltd

Rwyf wedi gweithio gyda Gruffydd ar lefel broffesiynol ers nifer o flynyddoedd gyda llawer o fy nghleientiaid yn defnyddio ei wasanaethau. Mae’r adborth gan gleientiaid wedi bod yn ardderchog gyda llawer yn canmol ei sylw i fanylion a’i ddiwydrwydd. Ni fyddwn yn petruso am eiliad cyn argymell ei wasanaethau.

Ben Gittins, Cyfarwyddwr, Gittins & Co. Wealth Management Ltd

Mae agwedd ragweithiol a blaengar Gruffydd wedi bod fel chwa o awyr iach ers i ni gychwyn defnyddio gwasanaethau ei gwmni. Mae ei ehangder o wybodaeth arbenigol a’r wybodaeth fanwl y mae’n ei darparu yn amhrisiadwy i’n busnes ac rydym yn ei argymell yn frwd iawn.

Howard Moore, Partner, Ymgynghorwyr Eiddo Kenney Moore

Mae’r gwasanaeth a ddarperir yn broffesiynol ac yn ddibynadwy sy’n fy ngalluogi i ganolbwyntio ar redeg fy musnes. Rwy’n gwybod y bydd unrhyw ymholiadau sydd gennyf yn cael eu trin yn brydlon. Mae’n hollbwysig ein bod ni’n cael mynediad at yr arbenigedd y mae Gruffydd yn ei ddarparu, nid yn unig er mwyn ein helpu i ddatblygu a thyfu fel busnes ond hefyd i roi tawelwch meddwl i ni. Mae’n hynod o broffesiynol ac rydym yn mwynhau gwneud busnes ag ef.

Andre Potter, Cyfarwyddwr, Absolute Comfort Furniture Limited

Gwasanaethau

Rydym yn siop un-stop ar gyfer eich gofynion cyfrifyddu gydag ystod lawn o wasanaethau wedi’u teilwra’n unigol ar gyfer eich anghenion, sef:
Paratoi Cyfrifon a Ffurflenni Treth

Rydym yn paratoi cyfrifon blynyddol ar gyfer cwmnïau cyfyngedig, partneriaethau a masnachwyr unigol gan sicrhau eu bod yn cydymffurfio â safonau cyfrifyddu cyfredol, ac yn achos cwmnïau cyfyngedig, yn sicrhau bod y cyfrifon statudol yn cael eu ffeilio’n brydlon yn Nhŷ’r Cwmnïau.

Rydym hefyd yn paratoi Ffurflenni Treth ar gyfer cwmnïau cyfyngedig, partneriaethau, unig fasnachwyr, ymddiriedolaethau ac unigolion ac yn eu cyflwyno i Gyllid a Thollau Ei Fawrhydi.

 

Cynllunio Treth

Mae ystyried goblygiadau treth cyn ymgymryd â thrafodiad ariannol yn ei gwneud yn llawer mwy tebygol y defnyddir yr opsiwn mwyaf treth-effeithlon.

Rydym yn cymryd agwedd ragweithiol tuag at ddarparu cyngor ar y cyfleoedd cynllunio treth sydd ar gael i chi ar gyfer pob treth gan gynnwys treth incwm, treth enillion cyfalaf, treth gorfforaeth, TAW a threth etifeddiant.

 

TAW

Rhaid i fusnesau gofrestru ar gyfer TAW os yw eu trosiant trethadwy dros £85,000 a gallant hefyd gofrestru’n wirfoddol ar ei gyfer.

Yn y naill achos neu’r llall gallwn roi cyngor ar y cyfraddau TAW sy’n berthnasol i nwyddau a gwasanaethau a’r gwahanol gynlluniau TAW y gallai eich busnes fod yn gymwys ar eu cyfer.

Gallwn baratoi a chyflwyno Ffurflenni TAW ar eich rhan gan sicrhau eich bod yn cydymffurfio â gofynion Troi Treth yn Ddigidol.

 

Cyflogres

Mae rhoi’r gyflogres ar gontract allanol yn ysgafnhau’r baich gweinyddol yn sylweddol. Gallwn reoli eich cyflogres gyfan gan sicrhau bod eich gofynion RTI (Gwybodaeth Amser Real) yn cael eu bodloni. Byddwn yn darparu slipiau cyflog cyfrinachol ac unrhyw adroddiadau adrannol y gallai fod eu hangen arnoch.

Gallwn hefyd gynorthwyo gyda’r gofynion cofrestru awtomatig ar gyfer cyfraniadau pensiwn.

 

Rheoli Cyfrifon / Cadw Cyfrifon

Mae cadw cyfrifon cywir yn hanfodol gan ei fod yn darparu’r data crai ar gyfer paratoi cyfrifon diwedd blwyddyn. Yn dibynnu ar natur a maint pob busnes, bydd gofynion cadw cyfrifon yn amrywio.

Gallwn roi cyngor ar y gwahanol systemau cadw cyfrifon sydd ar gael a chynorthwyo ym mhob agwedd o fewnbynnu data er mwyn cysoni cyfrifon.

I lawer o fusnesau, mae’n hanfodol gwybod sut mae’r busnes yn perfformio drwy gydol y flwyddyn yn hytrach na chael gwybod ar ôl i gyfrifon diwedd blwyddyn gael eu paratoi. Felly, gallwn ddarparu gwasanaeth rheoli cyfrifon rheolaidd a rhoi cyngor yn unol â hynny gan eich galluogi i seilio penderfyniadau busnes ar yr wybodaeth ddiweddaraf.

 

Cyngor Busnes Cyffredinol / Strwythur

Mae cael strwythur busnes addas o ran perchnogaeth a rheolaeth yn hanfodol. Fel gyda phopeth, mae’n well cael hyn yn iawn o’r dechrau.

Dros amser mae anghenion busnes yn newid ac yn aml mae angen i strwythur y busnes newid gydag ef. Gall hyn olygu corffori busnes unig fasnachwr, ychwanegu partner at bartneriaeth neu gyfarwyddwr newydd at gwmni cyfyngedig.

Beth bynnag yw eich anghenion, gallwn roi cyngor ar oblygiadau pob math o strwythur busnes er mwyn canfod yr ateb gorau posibl.

Cysylltu

Cyfeiriad:
40 Ffordd y Brwcws
Dinbych
Gogledd Cymru
LL16 4RQ

Rhif Ffôn:
01978 350389

Cyfeiriad Ebost:
[email protected]

Newyddion